8 ліпеня 2024 года ў Літаратурным музеі Максіма Багдановіча адбылася сустрэча з удзельнікамі Міжнароднага навуковага семінара “Стратэгія і метады батанічных садоў па захаванні і ўстойліваму выкарыстанню біялагічнай разнастайнасці прыроднай флоры”.
З прывітальным словам да ўдзельнікаў імпрэзы звярнуўся Сяргей Усік, дырэктар Дзяржаўнага музея гісторыі беларускай літаратуры. Ад імя гасцей выступіў Уладзімір Рашэтнікаў, акадэмік Нацыянальнай акадэміі навук Беларусі, Заслужаны дзеяч навукі Рэспублікі Беларусь, старшыня навуковай рады батанічных садоў краін СНД пры МААН, загадчык аддзела біяхіміі і біятэхналогіі раслін.
У межах сустрэчы адбылося падпісанне дагавора аб супрацоўніцтве паміж Дзяржаўным музеем гісторыі беларускай літаратуры і Цэнтральным батанічным садам Нацыянальнай акадэміі навук Беларусі.
Беларускія і замежныя вучоныя пазнаёміліся з экспазіцыяй Літаратурнага музея Максіма Багдановіча, падчас экскурсіі гучалі самыя вядомыя творы паэта, прысвечаныя роднай беларускай прыродзе.
