20 мая ў Літаратурным музеі Петруся Броўкі прайшла “Ноч музеяў – 2023: Рытмы”.

Мерапрыемства было прысвечаны 20-ым гадам мінулага стагоддзя – часу маладосці герояў выставы музея “Не ідзі па глебцы, а ідзі па броўцы!..”. Наведвальнікам было прапанавана прыходзіць у вобразе эпохі і апынуцца ў атмасферы часу першых літаратурных арганізацый, росквіту паэзіі і агульнага культурнага ўздыму. Лекцыя пра гісторыю сямейных стасункаў у тыя часы, майстар-класы па факстроце і стварэнні плакатаў, разгадванне шарадаў, вершы, варажба, музыка і кіно эпохі стварылі настрой гэтага вечара.