25 мая 2019 года споўнілася 102 гады з Дня смерці Максіма Багдановіча. У гэты дзень у Свята-Петра-Паўлаўскім саборы правялі памінальную службу ў памяць пра Паэта і яго родных.

Літаратурным музеем Максіма Багдановіча былі арганізаваны тры экскурсіі па месцах, звязаных з Паэтам і лёсам сям’і Багдановічаў. Экскурсанты наведалі Крыпту Храма-помніка Усіх Святых, прайшліся мінскімі мясцінамі Багдановічаў, пазнаёміліся з экспазіцыяй музея Максіма Багдановіча і прынеслі кветкі да помніка Паэту.

Супрацоўнікі Літаратурнага музея Максіма Багдановіча шчыра дзякуюць сваім даўнім і новым сябрам: Анатолю Іванавічу Бутэвічу, Кацярыне Матусевіч, Антаніне Яўгенаўне Хатэнка, Касі Радзівілавай, Насці Грышчук, Алесі Рамук, Народнаму літаратурнаму тэатру “Жывое слова” за актыўны ўдзел у мерапрыемстве! А таксама ўсім, хто прыйшоў на спатканне з паэіяй у гэты знакавы дзень!

 

Фотаздымкі Насты Грышчук.

Міністэрства культуры Рэспублікі Беларусь

Дзяржаўны музей гісторыі беларускай літаратуры

Літаратурны музей Максіма Багдановіча

Прэс-рэліз

мерапрыемстваў, прымеркаваных да

Дня памяці Максіма Багдановіча

25 мая 2017 года

                                                                                      Усё знікае, праходзіць, як дым.

                       Светлы ж след­ будзе вечна жывым.

      Роўна 100 год мінула, як не стала Максіма Багдановіча. 25 мая 1917 года на беларускім паэтычным небасхіле яго зорка згасла, але  светлы след яе заўсёды будзе жыць у нашых сэрцах і думках.

      Жыццё Максіма Багдановіча абарвалася ў 25 гадоў – у самым росквіце творчых сіл. Аднак за свой кароткі век ён паспеў зрабіць надзвычай шмат, што пад сілу толькі геніям. Свой талент ахвяраваў узвышэнню паэзіі, мастацтва слова, красы жыцця і дабрыні. Максім Багдановіч верыў, што беларуская літаратура стане неад’емнай часткай сусветнай культуры і не памыліўся. Яго творы, перакладзеныя на дзясяткі замежных моў, годна рэпрэзентуюць беларускае прыгожае пісьменства ў свеце.

      25 мая 2017 года Літаратурны музей Максіма Багдановіча запрашае прыняць удзел у мерапрыемствах, прымеркаваных да Дня памяці Максіма Багдановіча.

      Праграма:

13.00 –  ускладанне кветак да помніка Максіму Багдановічу (г.Мінск, вул. М.Багдановіча, сквер ля опернага тэатра);

14.30 – памінальная служба ў Саборы св. Пятра і Паўла (г.Мінск, вул. Няміга, 4);

18.00 – літаратурна-музычная вечарына “Светлы след…”. Гурт “Нельга забыць” ( з праграмай на вершы Максіма Багдановіча) і Народны тэатра “Жывое слова”.

Літаратурны музей Максіма Багдановіча,

г.Мінск, вул. М.Багдановіча, 7а

Кантактны тэлефон: 334-07-61