«Дачныя легенды» – інтэрактыўная праграма для ўдзельнікаў любога ўзросту, падчас якой кожны зможа паспрабаваць сябе ў ролі пісьменніка.

Запрашаем абудзіць творчыя здольнасці і падарыць сабе інтэлектуальны адпачынак у атмасферы натхнення і літаратуры. Падчас занятку мы ўзгадаем асноўныя жанры і віды літаратуры, пагаворым пра іх асаблівасці, пазнаёмімся са структурай літаратурнага твора. А каб настроіцца на творчы лад, пагуляем у цікавую літаратурную гульню.

А затым – самае цікавае! Кожны ўдзельнік створыць невялікі літаратурны твор ад імя адной з рэчаў, прадстаўленых у экспазіцыі Музея-дачы Васіля Быкава. Гэтыя прадметы належалі народнаму пісьменніку Беларусі Васілю Быкаву і яго сям’і. Мы паспрабуем «ажывіць» рэчы, прымусіць іх загаварыць і раскрыць нам таямнічыя гісторыі, сведкамі якіх яны былі.

І гэта яшчэ не ўсё! Аўтары найлепшых твораў атрымаюць магчымасць убачыць свае працы надрукаванымі ў часопісе «Маладосць».

Занятак адбудзецца ў Музеі-дачы Васіля Быкава па адрасе: Мінскі раён, аг. Ждановічы, вул. 6-я Дачная, 62.
Праезд аўтобусам №345 ад ст.м. «Пушкінская».

Час: 31 мая 2026,14:00.

Працягласць – 2 гадзіны.

Кошт удзелу – 10 рублёў.

Запіс на ўдзел: +375 29 811-21-85.