22 мая ў 19:00 запрашаем у Літаратурны на прэзентацыю артбука Кацярыны Масэ “Плод Дрэва тварэння: метадалогія і метафізіка творчасці”.

Што ўяўляе сабою артбук “Плод Дрэва тварэння”? Гэтая праца, плён шматгадовага досведу Кацярыны Масэ як паэткі ды мастачкі. Ён ёсць грунтоўным тэкстава-візуальным даследаваннем творчай практыкі: ад вельмі прыкладных яе аспектаў да больш тонкіх псіхалагічных працэсаў і метафізічнага ўзроўню.

“Я працавала над дызайнам кнігі з вялікай любоўю: кожнае фота, літара, лінія, колер – усё прайшло праз мае рукі, вочы ды сэрца. Сэнсы і візуал знітаваныя ў адзіную ідэйна-эстэтычную канву, каб аздобіць – і паглыбіць – працэс чытання радасцю сузірання,” – кажа Кацярына пра сваю незвычаную працу.

На імпрэзе аўтарка распавядзе пра працэс стварэння кнігі, разам з калегам і сябрам Ігарам Бабковым пазнаёміць з унутранай філасофіяй выдання ды асноватворнымі ідэямі. Таксама прагучаць асобныя фрагменты ў аўтарскім выкананні. Запрашаем кожнага, хто неабыякавы да энэргіі тварэння ў сваім жыцці!

Падчас прэзентацыі будзе магчыма набыць кнігу, да таго ж, наведвальнікаў чакае некалькі сюрпрызаў, сярод якіх – магчымасць атрымаць артбук у падарунак.

Час: 22 мая, 19:00.

Кошт: 8 рублёў.

Узроставая катэгорыя: 12+.

Тэлефон для даведак: +375 17 363 56 21.

Адрас: вул. М. Багдановіча, 13.