Ах колькі ёсць красы
Чароўнай поруч з намі…
Максім Багдановіч
Сёлета Нацыянальны мастацкі музей Рэспублікі Беларусь адзначае прыгожы юбілей – 85-годдзе з дня заснавання. У фондах музея зберагаецца шмат прац, прысвечаных Максіму Багдановічу і яго вечным вершам, а таксама мясцінам, звязаным з паэтам. Частка гэтых скарбаў будзе прадстаўлена ў сумесным выставачным праекце – “Песняру чыстай красы”.
Колькі выдатных дзеячаў прыклалі намаганні для ўшанавання памяці Максіма Багдановіча – спрабавалі падзяліцца сваім разуменнем паэта, шукалі вобразы і настроі, у якіх яго пазнаюць астатнія…
У наведвальнікаў ёсць унікальная магчымасць пабачыць творы класікаў беларускага мастацтва з фондаў Нацыянальнага мастацкага музея і Літаратурнага музея Максіма Багдановіча, якія рэдка экспануюцца: жывапіс вядомых беларускіх мастакоў Мікалая Дучыца, Барыса Залкінда, Паўла Масленікава, Барыса Аракчэева, Уладзіміра Сулкоўскага і інш. Акрамя таго, можна будзе пазнаёміцца з творамі прызнаных беларускіх скульптараў – Генадзя Мурамцава, Сяргея Гумілеўскага, Льва Талбузіна, Уладзіміра Слабодчыкава, Станіслава Ларчанкі.
Адкрыццё 25 красавіка а 17-й гадзіне.
Запрашаем!