2 красавіка 2025 года адбудзецца сустрэча-знаёмства з фотавыставай са збору Пушкінскага запаведніка “Чароўныя мясціны”.

Пушкінскі запаведнік – гэта цэлы свет літаратурнай, гістарычнай, побытавай спадчыны. Міхайлаўскае, Трыгорскае, Пятроўскае – калыска паэзіі Аляксандра Пушкіна. Тут можна прайсціся тымі ж сцежкамі, што паэт і яго сябры, паўзірацца ў краявіды над ракой Сораццю, паўчытвацца ў назвы вакольных вёсак, рачулак, азёр…

Сусвет гэтых чароўных мясцін захоўвае ў сваіх фотаздымках дырэктар Пушкінскага запаведніка, ураджэнец Беларусі Георгій Васілевіч. У кожным кадры застыла неапаўторнае чароўнае імгненне.

Літаратурны музей напрацягу многіх гадоў падтрымлівае сяброўскія і партнёрскія стасункі з Пушкінскім запаведнікам. 2 красавіка, у Дзень яднання народаў Беларусі і Расіі, запрашаем пазнаёміцца з выставай нашых сяброў і паслухаць колькі цікавых гісторый аб пушкінскіх мясцінах.

Пачатак: 18:30.

Квіткі: 5 р. (2,50 р.– школьнікі, студэнты).

Даведкі: +375 17 363 56 21.

Адрас: г.Мінск, вул. М. Багдановіча, 13.