31 сакавіка 2025 года ў музеі адбыўся навукова-практычны семінар “Парадак фарміравання, уліку, захоўвання і выкарыстання музейных фондаў”. Гэта быў першы семінар з цыклу “Актуальныя пытанні музеязнаўства”, арганізаванага сумесна з Дзяржаўным літаратурна-мемарыяльным музеем Якуба Коласа і Дзяржаўным літаратурным музеем Янкі Купалы. Дадзеныя мерапрыемствы праводзяцца рэспубліканскімі музеямі для музеяў раённага падпарадкавання з мэтай аказання ім метадычнай дапамогі і з’яўляюцца адным з напрамкаў куратарства, замацаванага загадам Міністэрства культуры Рэспублікі Беларусь.
З прывітальным словам выступіла Алеся Аляксандраўна Кузняцова, намеснік дырэктара па навуковай рабоце ДМГБЛ. На актуальныя пытанні ўдзельнікаў семінара адказала Надзея Віктараўна Аўдзей, кансультант упраўлення культуры і народнай творчасці Міністэрства культуры Рэспублікі Беларусь. Практычным досведам падзяліліся галоўныя захавальнікі фондаў раённых музеяў. Пасля ўсе ўдзельнікі наведалі фондасховішчы Дзяржаўнага музея гісторыі беларускай літаратуры і яго філіяла – Літаратурнага музея Максіма Багдановіча.
