…адной табе, як запавет,
Пакіну спадчыну тугі і веры.
Ў жыццё, што будзе вечна зелянець,
Як дрэва стройнае і маладое…
17 верасня Дзяржаўны музей гісторыі беларускай літаратуры запрашае на імпрэзу да Дня народнага адзінства і 110-годзя паэта Валянціна Таўлая.
Жыццёвы шлях заходнебеларускага творцы-барацьбіта – усяго 33 гады… Паэтычная спадчына – пасмяротны зборнічак вершаў “Выбранае”. Але за гэтымі сціслымі звесткамі – вялікая і надзвычай цікавая, насычаная падзеямі жыццёвая і творчая гісторыя. Гісторыя сяброўства, змагання, любові, пакручастых дарог, доўгіх месяцаў растання і няволі і такіх чаканых сустрэч.
У знакавы дзень, 17 верасня, запрашаем у Літаратурны на сустрэчу з навуковым супрацоўнікам Лідскага гісторыка-мастацкага музея Алесем Хітруном, загадчыкам Дома-музея Валянціна Таўлая. На сустрэчы будзе магчымасць пачуць шмат цікавых фактаў з жыцця паэта 30-х гадоў.
А таксама ўвазе наведвальнікаў будзе прадстаўлена мастацкая праца Васіля Зянько “Верабейкі”, напісаная ў аб’ёмнай тэхніцы з цытатай першага верша Валянціна Таўлая, выкананай шрыфтом Брайля.
Пачатак: 18:00.
Уваход вольны.
Усіх сардэчна запрашаем!
Тэлефон для даведак: +375 17 363 56 21.
Адрас: г. Мінск, вул. М. Багдановіча, 13.