Ноч музеяў–2026 «Літаратурны партал»
тут ноч адгортвае старонкі

16 мая 2026, 19:00-23:00

Дзяржаўны музей гісторыі беларускай літаратуры
(г.Мінск, вул.М.Багдановіча, 13).

16 мая наш музей ператворыцца ў самае атмасфернае, натхняльнае, жывое і энергетычна насычанае месца – сапраўднае скрыжаванне кніжных сусветаў! У гэтую ноч перад гасцямі адкрыецца «Літаратурны партал» – прастора, у якой кожны зможа адчуць сябе героем уласнай гісторыі, дакрануцца да магіі слова і адкрыць новыя старонкі беларускай літаратуры.

Толькі на адзін вечар кожная музейная зала ператворыцца ў асобны літаратурны іншасвет – са сваімі героямі, гісторыямі і адкрыццямі, дзе галоўным правадніком стане КНІГА. Яна павядзе вас праз казкі і мемуары, паэзію і рамантыку, таямніцы і прыгоды.

У праграме:
– адкрыццё выставы мастацкіх работ Алеся Родзіна;
– лекцыя «Жыццё жанчыны ў творах ХІХ ст.» ад Ганны Кісліцынай і Ірыны Багдановіч;
– прэзентацыя кнігі Кацярыны Гліністай «Калыханка для Мінска»;
– магічны спектакль фокусніка Віктара Андруховіча;
– музычны выступ дуэта «Дабранач».