Каб запамінальна адзначыць Міжнародны дзень сям’і – завітайце ў Літаратурны на майстар-клас “Ствары свой радавод”!

Падчас праграмы ўдзельнікі даведаюцца:

• якія бываюць радаводы;
• як правільна размясціць галінкі сямейнага дрэва;
• хто займае галоўнае месца ў радаводзе.

А пасля кожны створыць уласнае сямейнае дрэва – дэкаратыўнае пано з дрэва, паперы і ніткі, якая сімвалічна злучыць карані, ствол і галінкі вашай сям’і.

Асаблівасць нашага радаводнага дрэва ў тым, што пасля майстар-класа яго можна будзе працягваць дапрацоўваць дома: дадаваць новыя лісточкі, галінкі, імёны і дапамагаць свайму дрэву расці разам з гісторыяй роду.

Падарыце сабе і блізкім магчымасць стварыць нешта сапраўды каштоўнае – памяць пра сям’ю, якая будзе захоўвацца праз гады.

Калі: 13-14 мая.

Працягласць: 45-60 хв.

Кошт: 5 руб.

Удзел па запісе: +375 17 363-56-21 для груп ад 3 чал.