Літаратурны музей працягвае праект “Па мячы і па кудзелі. Гісторыя сям’і – гісторыя асобы”. Наступная аўтарская лекцыя даследчыка Змітра Юркевіча будзе прысвечана Тэафілі Глінскай, адной з першых паэтак у гісторыі беларускай літаратуры.

У “Энцыклапедыі літаратуры і мастацтва Беларусі” матэрыял пра Тэафілю Глінскую ўкладаецца ў чатыры радкі. З іх на характарыстыку творчага здабытку адводзіцца палова: “Аўтар апісальнай паэмы “Шчорсы”, віншавальных вершаў, перакладаў. Яе творы належаць да класіцыстычнага кірунку ў шматмоўнай літаратуры Беларусі”. Пагадзіцеся, няшмат…

Нарадзілася будучая паэтка зусім недалёка ад знакамітага возера Свіцязь на Навагрудчыне. Пра талент Тэафілі Глінскай свет даведаўся ў 1785 годзе праз падканцлера Вялікага княства Літоўскага Яўхіма Літавор-Храптовіча, гаспадара слынных Шчорсаў.

Яе імя раз-пораз апыналася ў цэнтры ўвагі літаратуразнаўцаў, даследчыкаў розных эпох. Але дагэтуль і ў сямейнай і ў творчай гісторыі гэтай таленавітай аўтаркі застаецца безліч пытанняў. На многія з іх і будзем шукаць адказы на лекцыі Змітра Юркевіча 25 кастрычніка.

Час: 25 кастрычніка 2024 года, 19:00.

Кошт білетаў: 8 рублёў.

Тэлефон для даведак: +375 17 363 56 21.

Адрас: вул. М. Багдановіча, 13.