МУЗЕЙНЫ КАНСТРУКТАР (1-4 класы)
Занятак паказвае нават юнаму наведвальніку, што кожны з нас – гэта цэлы сусвет. Суправаджаецца інтэрактыўнай прэзентацыяй “музейны канструктар” – кожная цаглінка знаёміць з этапамі дзяцінства паэта.
Кошт: 3,50 руб. з чалавека.
МЯНЕ ЧАКАЮЦЬ У МУЗЕІ (1-4 класы)
Занятак у займальнай форме пазнаёміць дзяцей з тым, што такое музей. Навошта з’явіліся “дамы муз”, чым займаюцца яго супрацоўнікі і чаму гэта важна для сусветнай гісторыі і культуры.
Кошт: 3,50 руб. з чалавека.
КУПАЛЛЕ (1-6 класы)
Пашырэнне ведаў вучняў пра свята “Купалле” і звычаі, звязаныя з ім.
Кошт: 3,50 руб. з чалавека.
МІНСК ВАЧЫМА ПЕТРУСЯ БРОЎКІ (5-11 класы) для невялікіх (да 5 чалавек) груп
Гульня-вандроўка – візуальнае падарожжа па Мінску часоў Петруся Броўкі з прыпынкамі на асноўных вуліцах і будынках, знакавых для паэта.
Кошт: 3,50 руб. з чалавека.
АПОШНЯЯ СПРАВА КВАТЭРЫ БРОЎКІ (5-11 класы) разлічаны на 1 групу, колькасць людзей – да 15
Удзельнікі атрымліваюць заданні і загадкі, спаборнічаюць у хуткасці і кемлівасці. Квэст дазваляе пазнаёміцца з галоўнымі часткамі музея – мемарыяльнай і літаратурна-дакументальнай, развівае ўменне арыентавацца ў незнаёмай прасторы.
Кошт: 3,50 руб. з чалавека.
ТАЯМНІЦЫ ПЕТРУСЯ БРОЎКІ (9-11 класы)
Знаёмства ў форме настольнай картачнай гульні з асноўнымі біяграфічнымі дадзенымі пра народнага паэта Беларусі Петруся Броўку, а таксама з часткай калекцыі, якая захоўваецца ў фондах музея.
Кошт: 3,50 руб. з чалавека.
КАЛІ САДЖУСЯ ЗА ПАПЕРУ… (1-11 класы)
Узнаўленне на базе музея пісьменніцкага творчага працэсу: наведвальнікі змогуць надрукаваць вершы Петруся Броўкі на пішучай машынцы. Занятак адаптуецца пад наведвальнікаў ў адпаведнасці з яго ўзростам і ўзроўнем ведаў.
Кошт: 3,50 руб. з чалавека.
РАСТЛУМАЧ МНЕ, КАЛІ ЛАСКА! (1-11 класы)
У гульні “Растлумач мне, калі ласка!” спатрэбіцца ўменне тлумачыць словы з дапамогай сінонімаў, антонімаў, намёкаў, гукаў, рухаў. Наведвальнікі правераць сваё веданне беларускіх слоў і азарт.
Кошт: 3,50 руб. з чалавека.
ЛУЧЫНКА (1-11 класы)
Занятак у гульнёвай форме знаёміць наведвальнікаў з перыядычнымі выданнямі мінулага стагоддзя, якія чытаў Пятрусь Броўка ў маленстве. Пры дапамозе часопіса для вясковай моладзі “Лучынка”, дзеці апынаюцца ў атмасферы незнаёмай ім эпохі, пашыраюць веды па гісторыі Беларусі мінулага стагоддзя, развіваюць сістэмнае мысленне і камунікатыўныя навыкі. Занятак адаптуецца пад наведвальнікаў ў адпаведнасці з яго ўзростам і ўзроўнем ведаў.
Кошт: 3,50 руб. з чалавека.
