САМ ЗРАБЛЮ БАТЛЕЕЧНУЮ ЛЯЛЬКУ (1-4 класы)

Можа праводзіцца ў межах вучэбнай праграмы па прадметах “Беларуская літаратура” і “Мая Радзіма – Беларусь”.

Ход занятка: расповед пра гісторыю беларускай батлейкі, паказ батлеечнага спектакля, знаёмства з батлеечнай лялькай.

У практычнай частцы занятка дзеці самі робяць батлеечную ляльку з паперы. Ім раздаюцца гатовыя нарыхтоўкі, якія трэба размаляваць (малюецца твар, вопратка, валасы, крылы), а потым скласці і склеіць. У кожнага атрымаецца батлеечная лялька – Анёл. Пасля дзеці спрабуюць сябе ў якасці батлейшчыкаў: вучацца вадзіць лялек, якіх яны зрабілі, па батлеечнай скрыні.