ЛЕКЦЫІ-ПРЭЗЕНТАЦЫІ:

• “Дзень гімназіста”. Знаёмства з гісторыяй адукацыі ў Расійскай імперыі на аснове сям’і Багдановічаў (5-9 кл.)
• “У зачарованым царстве Максіма Багдановіча”. Расповед пра беларускіх міфалагічных персанажаў у творчасці М.Багдановіча (5-7 кл.)
• «“Вянок” Максіма Багдановіча». Знаемства з гісторыяй стварэння першага і адзінага паэтычнага зборніка Максіма Багдановіча “Вянок” (5-9 кл.)
• “Жыццёвы і творчы шлях Максіма Багдановіча”. Аглядавая лекцыя пра жыццё і творчасць Максіма Багдановіча, класіка беларускай літаратуры, паэта, празаіка, гісторыка літаратуры і літаратурнага крытыка, публіцыста, перакладчыка, аднаго са стваральнікаў нацыянальнай мастацкай літаратуры (8-11 кл.)
• “Мадонны ў жыцці і творчасці Максіма Багдановіча”. Знаёмства з любоўнай лірыкай і жанчынамі ў лёсе Максіма Багдановіча. Мадонна – найвышэйшы ідэал паэта. Гэты вобраз адлюстраваны ў цыклах “Вянка” – “Мадонны”, “Каханне і смерць”, у асобных вершах і прозе. Лекцыя знаёміць з матуляй паэта, яго цёткамі, стрыечнымі сёстрамі і іншымі жанчынамі, якія былі побач з паэтам (9-11 кл.)
• “Мінскі перыяд жыцця і творчасці М. Багдановіча”. Расповед пра вяртанне паэта ў горад свайго нараджэння восенню 1916 года (9-11 кл.)
• “Максім Багдановіч – прыклад самаахвярнага служэння Радзіме”. На прыкладзе жыцця Максіма Багдановіча, раскрываецца фарміраванне грамадзяніна і патрыёта сваёй краіны (9-11 кл.)