Імпрэза да Дня памяці Максіма Багдановіча “А сэрца ўсё імкне да бацькаўскага краю”

22 мая з 11:00 да 13:00 Філіял «Фальварак Ракуцёўшчына» запрашае ўсіх прыхільнікаў творчасці Максім Багдановіч прыняць удзел у мерапрыемстве, прысвечаным Дню памяці паэта.

У кожнага народа ёсць асобы, якімі ён асабліва ганарыцца. Не з’яўляюцца выключэннем і беларусы. На нятленным палатне нашай гістарычнай памяці залатымі літарамі напісана імя Максіма Багдановіча – класіка беларускай літаратуры, які магутнасцю свайго таленту дасягнуў вяршынь мастацкага слова. Вёска Ракуцёўшчына – маляўнічая мясціна, куды ў 1911 годзе прыязджаў паэт. Менавіта тут былі створаны два цыклы вершаў – «Старая Беларусь» і «Места», а таксама паэмы «У вёсцы» і «Вераніка».

Уваход на мерапрыемства вольны.

Праграма:
11:00–11:30 – ускладанне кветак да памятных камянёў у вёсцы Ракуцёўшчына;
11:30–12:00 – літаратурна-музычная імпрэза «А сэрца ўсё імкне да бацькаўскага краю»;
12:00–13:00 – выступленні мясцовых творцаў, акцыя «Чытаем вершы Багдановіча разам», выступленне выкладчыкаў Красненскай музычнай школы.

Рэжым працы музея: з 10:00 да 19:00 (каса да 18:30).
Як даехаць: цягніком па маршруце Мінск – Маладзечна або Маладзечна – Мінск да станцыі Уша.
Адрас: Мінская вобласць, Маладзечанскі раён, в. Ракуцёўшчына.
Тэл. +375 (17) 670-26-41.