У Літаратурным музеі працягвае працу выстава жывапісу Алеся Родзіна “Экалагічная дысперсія”. У кантэксце творчасці Алеса Родзіна дысперсія, рассейванне – гэта глыбокая метафара. І пасля сыходу мастак пакінуў інтэлектуальнае і творчае выпраменьванне, якое захапляе ўсё новых і новых прыхільнікаў. На працягу дзесяцігоддзяў Алесь Родзін ствараў уласную экасістэму сэнсаў, якая не знікла, а пачала працэс дысперсіі — пранікнення ў свядомасць новых пакаленняў, рассейвання ідэй у прасторы і часе.

13 жніўня а 19-й гадзіне запрашаем далучыцца да куратарскай экскурсіі ад стваральніка выставачнага праекта “Экалагічная дысперсія” Змітра Юркевіча – сябра і паплечніка Алеся Родзіна. Падчас аповяду вы атрымаеце ўнікальную магчымасць пабачыць абноўленую экспазіцыю, якая зусім нядаўна дапоўнілася новымі работамі!

Гэтая выстава ўяўляе сабой не проста нерухомы помнік, а з’яву, якая ўвасабляе ў сабе дынамічную прыроду самога Родзіна. Падчас экскурсіі вы даведаецеся пра незвычайны творчы шлях мастака, пра яго пошукі і эксперыменты, пра тое, як ён узаемадзейнічаў з рознымі творчымі супольнасцямі і як яго працы сталі часткай перформансаў нулявых.

Час: 13 жніўня, 19:00.

Кошт: 10 рублёў.

Адрас: г. Мінск, вул. М.Багдановіча, 13.

Тэлефон для даведак: +375 17 363 56 21.

Шчыра запрашаем!