Куратарская экскурсія па экспазіцыі выставы “Мая сям’я”

Працягвае працу мастацка-дакументальная выстава “Мая сям’я” – сумесны праект Літаратурнага музея Максіма Багдановіча і Беларускага дзяржаўнага архіва-музея літаратуры і мастацтва.

Запрашаем на сустрэчу з вялікай сям’ёй паэта – бацькамі і цёткамі, стрыечнымі братамі і сёстрамі.

Падчас экскурсіі:
– даведаемся, хто ёсць хто ў гэтай вялікай сям’і;
– каго можна лічыць патрыярхам рода Багдановічаў;
– які рэцэпт дранікаў перадаюць у спадчыну нашчадкі цёткі Марыі;
– які элемент адзення любіла цётка Ганна;
– каму дапамагаў з працай Адам Багдановіч;
– хто з родных атрымаў у падарунак “Вянок” Максіма Багдановіча;
– які найкаштоўнейшы экспанат з’явіўся ўжо пасля адкрыцця выставы.

Экскурсію праводзіць Ірына Мышкавец, вядучы навуковы супрацоўнік музея.

Час: 24 лістапада 2024 года, а 16-й гадзіне.

Уваходны квіток – 5 руб.

Адрас: г. Мінск, вул. М.Багдановіча, 7а (Літаратурны музей Максіма Багдановіча).

Тэл. +375 17 363 07 61, +375 17 355 22 95.