Ці ведаеце вы, што яднае заснавальніка нацыянальнай драматургіі Вінцэнта Дуніна-Марцінкевіча, святара і паэта Казіміра Сваяка, фалькларыста Адама Гурыновіча, лаўрэатаў літаратурнай прэміі імя Янкі Купалы Уладзіміра Дубоўку і Максіма Танка?
Адказ на гэтае пытанне вы знойдзеце ў нашым музеі.
Запрашаем наведаць літаратурна-мастацкую часовую экспазіцыю «“Ёсць куток на зямліі…”: Мядзельшчына ў замалёўках Аксаны Аракчэевай», якая створана ў рамках музейнага праекта “Літаратурнае падарожжа”.
Плёнам адмысловай вандоўкі-пленэра Аксаны Аракчэевай па Мядзельшчыне стала серыя пастэльных замалёвак. Возера Нарач, горад Мядзел, гарадскі пасёлак Свір, вёскі Засвір, Мікольцы, Пількаўшчына, Альшэва… Імёны выбітных беларусаў ўплеценыя ў іх гісторыю. Сувязі гэтыя ў экспазіцыі адлюстроўваюць асабістыя рэчы, кнігі, эпісталярыі з фондаў Дзяржаўнага музея гісторыі беларускай літаратуры.