26 студзеня 2019 года ў Дзяржаўным музеі гісторыі беларускай літаратуры (вул. М. Багдановіча, 13) з мэтай папулярызацыі краязнаўчай работы, актывізацыі дзейнасці школьных музеяў, выяўлення і распаўсюджання пазітыўнага вопыту работы школ па арганізацыі краязнаўчай работы і супрацоўніцтва з установамі сацыякультурнай дзейнасці адбыўся Краязнаўчы фестываль устаноў адукацыі г. Мінска “Вялікая сіла малой радзімы”, які праводзіўся ў межах мерапрыемстваў Года малой радзімы. Арганізатарамі фэстывалю выступілі Камітэт па адукацыі Мінгарвыканкама, УА “Мінскі дзяржаўны турысцка-экалагічны цэнтр дзяцей і моладзі”, Дзяржаўны музей гісторыі беларускай літаратуры.
Удзельнікаў фэстываля віталі дырэктар Дзяржаўнага музея гісторыі беларускай літаратуры Міхаіл Леанідавіч Рыбакоў, першы намеснік старшыні камітэта па адукацыі Мінгарвыканкама Віталій Аляксандравіч Прыгодзіч, дырэктар інфармацыйна-рэкламнага камунальнага ўнітарнага прадбрыемства “Мінгардаведка” Барыс Анатольевіч Васільеў, дацэнт кафедры гісторыі Беларусі і музеязнаўства Беларускага дзяржаўнага ўніверсітэта культуры і мастацтваў Алена Якаўлеўна Паўлава.
Падчас фэстывалю свае экскурсіі прэзентавалі пераможцы гарадскога этапу конкурсу юных экскурсаводаў “З чаго пачынаецца радзіма” з СШ № 17 Ленінскага р-на, СШ № 42 Фрунзенскага р-на, Гімназия № 24, СШ № 190, СШ № 77, МДПЛ № 10.
На інтэрактыўнай плацоўцы прэзентавалася краязнаўчая работа ва ўстановах адукацыі г. Мінска («Мінск мабільны», «Даследчая дзейнасць краязнаўчага кірунку», «Прэзентацыя дзейнасці Народнага літаратурнага музея Пімена Панчанкі ДУА «Сярэдняя школа № 199 г. Мінска», а таксама «Гісторыя Афганскай вайны праз 30 год …», «75-годдзе вызвалення Беларусі»).
Адбылося ўзнагароджанне пераможцаў, прызёраў і лаўрэатаў конкурсу віртуальных музеяў і конкурсу «Спадчына Беларусі», удзельнікаў фестывалю.
Дзяржаўны музей гісторыі беларускай літаратуры пазнаёміў удзельнікаў фэстывалю з дзейнасцю аб’яднання літаратурных музеяў краіны, былі праведзены экскурсіі па часовым экспазіцыям “Уладзімір Караткевіч. Абуджаная памяць…” і “Сведкі вечнасці”.
Для ўдзельнікаў фэстываля выступілі фальклорны калектыў “Мілавіца” і Зінаіда Феакцістава-Каладзяжная з монаспектаклем “Ягадны хутар” па творах Яўгеніі Янішчыц.