“Эх, скручу я дудку!
Такое зайграю,
Што ўсім будзе чутка
Ад краю да краю!”
Францішак Багушэвіч – яркі нацыянальны паэт XIX стагоддзя, які імкнуўся абудзіць у народа пачуцці нацыянальнай самасвядомасці, любоў да роднай мовы і літаратуры. Ён узняўся на абарону “тутэйшага”, расказаў яму пра “бацькаву спрадвечную мову”, пра “сваю зямлю”, пра багатую гісторыю краіны. Нельга ўявіць беларускую літаратуру і гісторыю без яркай, шматграннай асобы пісьменніка.
У прадмове да другога зборніка “Смык беларускі” Францішак Багушэвіч звяртаецца да нас:“Смык ёсць, а хтось скрыпку, можа, даробе, а там была “Дудка” – вот мы і зробім музыку…”. Музей гісторыі беларускай літаратуры не змог застацца абыякавым да такой прапановы і вырашыў “зрабіць музыку”. Спадзяемся, што да ўдзелу ў конкурсе далучыцца неабыякавая да ўласнай гісторыі, культуры і літаратуры моладзь.
Куратар – Ушылава Таццяна.
Кантакты: (017) 334-56-21,
