Музейна-педагагічныя заняткі
МУЗЕЙНА-ПЕДАГАГІЧНЫЯ ЗАНЯТКІ
- “Прыехала Каляда на белым кані” (1 – 4 кл.)
Падчас свята вы зможаце:- даведацца пра традыцыю калядавання на Беларусі,
- апынуцца ў гурце калядоўшчыкаў,
- “ажывіць” калядную Казу, танчыць і спяваць з ёй у карагодзе,
- стаць удзельнікам каманды “Ратаўнікоў Навагодняга свята”,
- атрымаць сваю Калядную зорачку
і, вядома, падарунак ад Дзеда Мароза.
Кошт: 3 рублі з удзельніка.
- “Як хлеб да нас на стол прыйшоў” (1 – 4 кл.)
Занятак праходзіць у форме казкі-гульні. Дзеці маюць магчымасць убачыць этнаграфічныя матэрыялы, пазнаёміцца з земляробчымі прыладамі (каса, серп, цэп і інш.) і працэсам вырабу хлеба. Хлопчыкі паспрабуюць сябе ў ролі “касцоў”, а дзяўчынкі на некаторы час стануць “жнеямі”.
Уяўляе сабой музычнае мерапрыемства ў народным стылі з гульнямі і конкурсамі. Распавядае пра беларускі кірмаш, дае ўяўленне пра музычны гурт. Фэст уключае традыцыйныя беларускія гульні, якія рыхтавалі дзяцей да працы дарослых: “Садзі лянок”, “Касцы і жнеі”, а таксама старажытны народны танец.
- “Беларуская цацка” (1 – 4 кл.) Занятак знаёміць з беларускай традыцыйнай цацкай, з музычнымі інструментамі, якімі таксама гуляліся дзеці. Далучае да вусна-паэтычнай творчасці народа.
- “Гуканне вясны” (1 – 4 кл.)
Занятак праходзіць у форме гульні. Вучні разам з супрацоўнікамі музея “гукаюць вясну”, так як рабілі нашыя продкі. Занятак падмацаваны фальклорным матэрыялам.
- “Усе пачынаецца з «Буквара»” (2 – 4 кл.)
Што мы ведаем пра «Буквар»? Хто яго стварыў? Чым ён нам цікавы? Занятак праходзіць у форме гульні-спаборніцтва, дзе можна выявіць не толькі свае веды, але і свае таленты.
- “З рога ўсяго многа. Беларускія казкі” (1 – 3 кл)
Супрацоўнікі музея разам з дзеткамі накіруюцца ў цікавае падарожжа ў краіну казак, казак народных і літаратурных, казак пра жывёл і не толькі. У дзетак будзе магчымасць: паслухаць казкі; сабраць пазлы; пазнаёміцца з кнігай Вольгі Гапеевай “Сумны суп”; разам з Піліпкам даведацца, што дабро заўсёды перамагае.
- “Беларускае вяселле” (8 – 11 кл.)
Знаёмства вучняў з беларускім фальклорам, вясельным абрадам, касцюмамі, гульнямі і танцамі.
Музейна-педагагічныя заняткі праводзяцца ў навучальных установах і ў Дзяржаўным музеі гісторыі беларускай літаратуры (вул. М. Багдановіча, 13) па папярэдніх заяўках: тэл. (017) 334-56-21.
Кошт: 1 руб. 50 коп. з удзельніка.