Адкрый для сябе скарбы нацыянальнай літаратуры

Імпрэза “Што наш музей?.. Тэатр!!!”Літаратурны музей Максіма Багдановіча ў межах міжнароднай акцыі “Ноч музеяў – 2018” 19 мая запрашае на імпрэзу “Што наш музей?.. Тэатр!!!”

Кожны наведвальнік, прыходзячы у музей, трапляе на свайго роду “спектакль” . Тэатр аднаго акцёра – так вобразна можам мы назваць працу музейнага экскурсавода. Штодня праз уласнае слова і экспанаты ён малюе карціну мінулага. Лёсы, людзі, гарады, вершы – усё гэта знітоўваецца ў музейным экскурсе ў адну карціну. Але хутка наступіць дзень, калі не толькі экспазіцыя, але і ўвесь музей ператворыцца ў адну вялікую тэатральную пляцоўку.

Завітаўшы ў Літаратурны музей Максіма Багдановіча 19 мая, вы маеце магчымасць:

— адчуць сябе не толькі гледачом, але і ўдзельнікам музейна-тэатральнай дзеі;

— убачыць батлейку, тэатр часоў Максіма Багдановіча, сучасныя лялечныя тэатры;

— наведаць майстар-класы ад прафесіяналаў сваёй справы (акцёрскае і танцавальнае майстэрства, тэатральны грым, выраб лялек);

— паспрабаваць сябе ў ролі акцёра, што знаёміцца са сцэнаром, рэпетуе, робіць грым і вось-вось выйдзе на сцэну;

— паўдзельнічаць у ролевых гульнях;

— паслухаць майстроў мастацкага слова і цікавых музыкаў;

— цікава правесці час.

У пастаноўцы ўдзельнічаюць: тэатры “Жывое слова”, “Дом сонца”, “Змешаны лес”, “Мастерская впечатлений”, музейная “Батлейка” і “Лямцавая батлейка”; “LARP”; Кацярына Ваданосава і “Fantasy Orchestra”, гурты “Гарадскі вал”,“NZ”; школа танцаў “Kvartal” Юліі Шостак і школа акцёрскага майстэрства “Art-talk”; барды Андрэй Мельнікаў, Аляксей Жбанаў; літаратары Валерый Гапееў, Уладзь Лянкевіч, Яна Уладыка; удзельнікі Студэнцкага этнаграфічнага таварыства (СЭТ), выкладчыкі БДУКіМ, супрацоўнікі Літаратурнага музея Максіма Багдановіча і “Беларускай хаткі”.

Пачатак дзіцячай праграмы – 15.00; дарослай – 18.00.

Уваходны квіток: 5 рублёў.

“Праграмка” тут:

www.facebook.com/events/2032226050373947/

https://vk.com/nochmuseum2018

Адрас: г. Мінск, вул. Максіма Багдановіча, 7а.

Тэлефон для даведак: +375 17 334-42-69.